إوضع حد

كان زمان شئ ودلوقتى شئ تانى مختلف

هو إيه؟

ومين؟

كل شئ

وأى حد

التغير سمة من سمات الحياة

والثبات على الحال غالبا محال اللهم إلا إذا كان جماد

مش حي

حتى الجماد الحي بيأثر عليها وبيغيره

المهم إن لازم نتغير

زمان كنا أطفال بنتعامل بمنطق وبنتفاعل مع الناس بأسلوب

كبرنا شوية وبقينا مراهقين

لينا برضه منطقنا وأسلوبنا فى التعامل

واللى اتغير كتير عن ماكنا أطفال

فيه مجالات بتتفتح

ومجالات تانية بتتقفل لأنه ماينفعش

وتمر مرحله وتيجي مرحله مختلفه

مرحلة الشباب

وبناء الذات

ودي على ما أعتقد أصعب المراحل

والدليل إنها المرحله اللى جايه لينا وإحنا فى عز عنفوانا وقوتنا وحيويتنا

ربنا عطاك فيها الصحه

والعقل

والأمل

عشان هي أصعب المراحل

مرحلة بناء

محتاجه منا الإخلاص ليها وفيها عشان هايترتب عليها شكلك

وباقى عمرك

وحياتك

وسط الناس

فيها إستقلال عن قيود الأهل

مفروض ماينسيناش حدود ربنا

فيها حريه

مفروض ماتنسيناش المسئوليه

تقدر تعمل أى حاجه بس لازم تحط فى إعتبارك حاجات كتير

كتير قوى

ربنا

والناس

حرية غيرك

أهلك

وأصحابك

لازم تراعى كل ده

حريه مقيده بقيود صالحه ولازمه عشان تعيش بني آدم

يحترمه الناس

ونظرتهم ليك تبقى أجمل

هو ده التحدي فى المرحله دي

فكروني

كلموني تانى عنك فكروني
صحو نار الشوق في قلبي وفـ عيوني
رجعولي الماضى بنعيمه وغلاته
وبحلاوته وبعذابه وبقساوته
وإفتكرت فرحت
وياك قد ايه
وإفتكرت
كمان ياروحي بعدنا ليه
بعد ما صدقت إني قدرت أنسى
بعد ما قلبي قدر يسلاك ويقسى
جم فى همسه وغيروني
كانو ليه ليه بيفكروني؟
ـ
بعد ما اتعودت بعدك غصب عني
بعد مانسيت الأماني والتمني
كلمتين إتقالو وشالو الصبر مني
صحو في عنايا حنينهم لإبتسامك
صحو سمعي يود كلمة من كلامك
صحو حتى الغيرة صحولي ظنوني
وإبتدي قلبي يدوبنى بآهاته
وإبتدي الليل يبقى أطول من ساعاته
وأفضل أسمع نبض قلبي بيناديك
روحي فيك
مهما جرى أنا روحي فيك
تسوى إيه الدنيا وأنت مش معايا؟
هي تبقى الدنيا دنيا إلا بيك؟
اللى فات وياك ياروحي بعود إليه
واللى عشته معاك رجعلى هاعيش عليه
بعد ما صدقت إني قدرت أنسى
بعد ما قلبي قدر يسلاك ويقسى
جم بهمسه وغيروني
كانو ليه بيفكروني؟ــ
كلموني تانى عنك
بعد طول حرماني منك
جرحو الجرح اللى قرب يبقى ذكرى
سهروني أعيش لبكره وبعد بكره
ياحياتى انا كلى حيره ونار وغيره
وشوق إليك
نفسي أرتاح من عذابي
نفسي أرتاح بين إيديك
دا الخصام والغدر وليالي القسيه
كل دول مايهونوش حبك عليا
واللى جوه القلب كان فى القلب جوه
روحنا وإتغيرنا إحنا إلا هوه
هو نفس الحب وأكتر
هو نفس الشوق وأكتر
هوه هوه هوه هوه
اللى فات وياك ياروحي بعود إليه
واللى عشته معاك رجعلى هاعيش عليه
بعد ما صدقت إني قدرت أنسى
بعد ماقلبي قدر يسلاك ويقسى
جم بهمسه وغيروني
كانو ليه بيفكروني؟

........
آآآه ياحبيبي
حياتي بعد مستحيلة
الحياة أيام قليلة
ليه نضيع عمرنا هجر وخصام
وإحنا نقدر نخلق الدنيا الجميلة
بالوداد والقرب
تتجدد حياتنا
بالحنان والحب
تتبدد آهاتنا
واللى جاي نعيشه أحلى مـ اللى فاتنا

.
القمر من فرحنا هاينور أكتر
والنجوم هاتبان لنا أجمل وأكبر
والشجر قبل الربيع هانشوفه أخضر
واللى فات ننساه
ننسى كل أساه
ياللا نلحق مـ الزمن أيام صفاه
دي الحياه من غير لقانا مش حياه
وإحنا مش هانعيش ياروحي مرتين
فكروني إزاي !؟
هو أنا نسيتك ؟
أنت أقرب مني ليا
ياهنايا
حتى وأنت بعيد عليا أو معايا
تنتهي الأيام وتطوي العمر بينا
وأنت حبك أنت بالأمل مالوش نهايه
حبك أنت مالوش نهايه

عيد سعيد ياأحلى صحبة

السلام عليكم ورحمة الله وبركاته

كل سنة وكلكم بألف خيييييير وطيبين

وكل عيد واحنا ياااااااارب متجمعين

كل سنة وانتم معايا وكل عيد وانتم موجودين فى حياتى

ربنا يخليكم ويبارك فيكم

كل عيد وانتم أسعد الخلق يااااااارب

عيد سعيد

رمضان كريم ... الله أكرم

رمضان كريم

كل سنة وأنتم طيبين

رمضان السنة ديه مختلف حبتين

يمكن أول رمضان أقضيه فى التدوين فى رمضان
أول رمضان هأقضيه فى المدونة هنا

كل سنة وأنتم كلكم بخير

كل سنة وأنت طيب ياملاح ياتائه

كل سنة وأنت طيب ياجزر

كل سنة وأنت طيب ياصلاح الدين

كل سنة وانا نفسي طيبة

كل سنة وكل المدونين الحلوين طيبين وبخيير يااارب دايما

رمضان كريم

دعوة الى التفاهه

في كتابه الرائع

أرني الله

وتحت عنوان

أنا الموت

كتب توفيق الحكيم قصة شاب جامعي مثقف حاصل على الدكتوراه في الفلسفة وبدأت القصه على صخرة فى شاطئ سيدي بشر حيث يجلس متأملا البحر بعين حيرى تصارع فكرة مجنونة تقترب من التحقق

وفجأة قام الشاب وتقدم تجاه البحر بكل ثقة وألقى بنفسه فية

هاج الشاطئ ورواده فهناك غريق يرونه يصارع الموت وحده

وتقدم المتقنون للسباحة ليقدمو خدماتهم

لكن هناك من سبقتهم بانقاذه من موته المحقق وفى قسم الشرطة كان الحوار الذي دار بينهم

س : ما أقوالك في هذا الحادث ؟

جـ : كنت أتابعه وأنا سابحة في زورقي ووجدته ينهض ويلقى بنفسه في البحر يريد الإنتحار

س : لماذا أردت الإنتحار

جـ : إكتب ياسيدي أى شئ اكتب خلل عقلي مثلا أو لضيق الحياة

قلت إنك من زوي الأملاك وأنت رجل من رجال التعليم فكيف نصدق ذلك؟

فالتكتب اذن رغبة فى الخلاص من الحياة وتركه

ثم ما شانكم أنتم فى شخص أراد أن ينتحر؟

ما شأننا ؟ كيف ؟ أليس انتقالك هذا يلزمة ترخيص وإجراءات كما أى شخص يريد مغادرة دار الى دار اخرى

هذا هراء وأنا لى مطلق الحرية فى اختيار المكان الذي اريده والوقت

كيف ؟انك ما أتيت الى الدنيا برغبتك

فكيف نسمح لك بتركها برغبتك وارادتك؟

نظر اليه بفروغ صبر وقال له اكتب ماتريد كتابته يا سيادة الوكيل

ثم التفت الى منقذته وقال لها ما شانك أنت بي حتى تفعلى هذا الفعل الغبي

نظرت متعجبه وقالت لقد أنقذت حياتك يجب ان تشكرني

بل ألعن حظي العاثر الذي جعلك ترينني

لقد حطمت خطتي وأفسدتى على رحلتي

سألته لو أنك رأيت منديلي سقط منى ف الطريق ألن تلتقطه وتعيده لي مرة اخرى

هذا امر مختلف يا أنتِ

إذا سقط منك بدون تعمد شئ وإذا ألقيت به من النافذة شئ ساعتها لن يعيرك أحد إهتماما ولن ترين متطفلا يعيده اليك

انتهينا

كيف وقد أفسدتى خطتى ؟

اعدك انها لن تتكرر

انتهى المحضر وخرج كليهما من باب القسم وهرول هو لإتجاه الشاطي وبدون وعي عبر الطريق دون أن يلتفت الى السيارة القادمه عن قرب موشكة على التهام جسده

وبدون أن تدري هي الأخري تقدمت مسرعة كالفراشة وانقذته للمرة الثانية من موت محقق

صاح غاضبا دعيني وشاني

وتحدثا طويلا حتى قالت له ساصحح خطأي ياهذا هيا بنا الى الصخره واعدك إنني لن أحول بينك وبين ماتريد على العكس ساحافظ على تحقيقه

وذهبا اللى الصخره فحاولت ان تعرف منه السبب الحقيقي لإنتحارة مادام قد قرر الإنتحار فلم يخشي من ان يقول الحقيقه لها وفقط ووعدته بالحفاظ عى السر

فكان منه أن قال لها إنها أى الحياة باتت مزيفة وحقيرة فلا شئ فيها ثابت الجميل يصبح قبيحا والشر يصير خيرا والصحيح يغدو خطأ والخطأ يتبدل الى صواب

وكل مافيها يدعو الى تركها كلها أمور محزنة حروب الدول وتفشي المرض وضياع القيم وانحلال الشعوب وفساد الحكومات

حتى الغناء يذكرنا بجروحنا التى ما تداوت بعد فيؤلمنا سماعه

تأملته صامتة لحظات ثم قالت يجب أن تتعاطي شيئا من التفاهه

ماذا تقولى ؟

أقول الحقيقه التى يجب ان تعيها انت لست ذكيا اذا ماجلست في برجك وتفكرت فى أمور مالك فيها خيار وعذبت نفسك بوقوعها دعك من الحكم العلوي وكن كما البشر يمرحون ويحزنون يرقصون ويغنون

لا تبحث عن عذاب نفسك بيديك

كن تافها تري الحياة جميلة

نظر لها باحتقار وأدار ظهره موليا وجهه للبحر ثم القى بنفسه فيه

وقفت هي مرتبكة لا تعرف اتفى بوعدها له بعدم انقاذه ام تنقذه

ولم تدري الا وهي بجواره تحتضنه وهو يقول لها أنت ثانية

فترد قوله نعم ألست تريد الموت؟

!أنا الموت

..........

إنتهت القصة وبقي سؤال

لماذا كل من هو تافه سعيد ؟

وكل من هو جاد أو متطلع للمثالية شقي بحياته معذب بواقعه؟

الطريق

مع إشراقة الفجر من يوم السبت الموافق الثاني من فبراير للعام 1985 ميلادية كان صدور الأمر الإلهي بأن يكون وكونه قد كان بالأمر كن فإنه لابد وأن ينتهى ويفني بنفس الأمر المكون من حرفين وبين الأمرين فسحة من الزمن وفيها سير على طريق

وكم هذا الطريق عجيبا فهو ليس ككل الطرق ممهد ومحدد الإتجاه وواضح المعالم ، فيه الكثير من الأمور المبهمه وبه أشياء ليس لك فيها إختيار ولا قرار لازمنا ولا مكانا فقط عليك أن تسير حتى يقال كن فتكون

وعلى الطريق تلقى أناسا لهم طريق أيضا قد تسيرا معا زمنا وقد تسيرا معا للأبد وقد تلتقيا بين مفترق الطرق ، من هؤلاء جميعا تتعلم كيف تنهي الرحله بنجاح وتنجز وتجد السير فى الطريق بمهارة

ومن هؤلاء من هو موجود ليعيق سيرك ويحطم طموحاتك ويترك فى نفسك ألما قد يؤخر نجاحك وقد يعدمه نهائيا إن أردت فالأمر بيدك لأن هذا طريقك وتلك مهمتك

من وضعتني على الطريق ليست ممن ادعى انها واحدة ممن قابلنى عليه فهى أصل وجودي عليه من البداية هى بوابة المرور التى من خلالها كنت ، حبها أمر فطري لكنه قدري أيضا لا اختيار فيه ولا قرار

على الطريق إلتقينا بعد عام من صدور الأمر بأن أكون وسرنا معا تتغير وتتبدل بنا الأحوال من يسر الى عسر ومن تفاهم الى خلاف ومن صلح الى خصام ومن عند الى هواده وتسامح ولكن دائما يبقى بيننا الحب الخالص الذي لا يعكر صفوة شئ مهما كبر ولذلك بقيت وسأظل أحبه

كانت من أول من سرت معهم على الطريق حبيبة الى قلبي دائما رغم إختلاف رؤانا وعندنا المتأصل فقط تنتهى كل إختلافات وجهاتنا عندما نجتمع على الشئ العظيم الذي بيننا فننسي كل اختلاف ويبقى الحب

هو أيضا مثلها من أوائل من صاحبوني على الطريق وممن علموني جمال الرومانسية وحلاوة الشعور وسحر الحب جميل جماله حلو كلامه عنيدة صلبة آرائه غيورطبعه محب للإمتلاك ومحب لأشياء أخرى أرقى وأعظم ورغم كل شئ أحبه

لحقت بى فى الطريق فالتقينا قدرا ومع تبدل أطوارها من سئ لأجمل ومن طفولة لنضج تتضح منها الطيبة وتأصل الحب للخير بقلبها ورغبتها الطاهره فى الله التى ارجو أن يباركها سبحانه لكن العند اللعين قد يربك سير مجتهد اذا التقى بمن هو ضده واذا لم يستعمل ذكائه وقد يفعل العكس فيزيد من العزم ويقوي الإرده وتلك أمنيتى لتلك الحبيبة

له دائما النصيب الأكبر من الإكبار والحب في قلبي لحقت به على الطريق فسرت معه أغرقني في نهر حبه الطاهر وعذب حنانه الشهي وجميل قلبة الطيب لكنه تركني قبل أن أنهي طريقي لأن طريقة كان قد إنتهى وامره قد صدر فودعته باكيا حزينا على أمل لقياه بعد ان ينتهى الطريق

كبريائها وإعتزازها بنفسها يجبرك أن تعجب بهذه الشخصية القوية المدهشه لحقت بها وسرت معها فرأيت كم هي عظيمة حقا مظهرها لا ينبئك عن كم قوتها فهي ضعيفة مستكينة هادئه لكن مالاتراه قوة لا توجد فى الرجال وكبرياء خليق بأمراة عظيمة الأثر فى حياة ذويها وحنان وحب قد تراه يتنافى مع الكبرياء والعظمة لكنه سر من أسرارها ، تركتني الحبيبة الحنونة فى هدوء وإنسحبت من الحياة بعد سير أجهدها وهدها تركتنى عظيمة ذات كبرياء كما التقيتها فى بداية الطريق

...

يتبع

تخييييييييل وعيييييييييييييش

تخيل

ماتيجوا نتخيل سوا

اصل مفيش احسن من التخيل والأحلام

عالم التخيل ده عالم اخر

عالم هتعيش فيه ومش هتزهق منه

ولما تتخيل حاجة محدش بيحاسبك عليها ولا بيحاسبك ان انت تخيلك واسع حبيتين

واللى انت بتحلم بيه محدش هيوقفلك على باب تخيلاتك ويقولك استنى ده مينفعش

تخيل وعيش زى ماانت عاوز

تيجوا نتخيل ونعيش سوا

يالااااااااااااااااااااااا

تخيل ان انت مش انت

تخيل ان البلد مش البلد

تخيل ان الناس غير الناس

واللى انت عايش معاهم مش هما اللى انت عايش معاهم دلوقتى

تخيل بقي (المصيبة الكبيرة)ان الريس مش الريس

وان الحكومة مش الحكومة

تخيل بقي البلد حالها كويس وانت عايش مرفهه

تخيل ان انت عندك كل حاجة وكلاللى انت عاوزه بتتمناه

تخيل حياتك اتقلبت من فوق لتحت (بس اوعى توقع)ولاقيت قدامك كنز على بابا بس من غير الاربعين حرامى

(معلش بقي ماانت تتخيل الحاجة الحلوة برضه )

تخيل انك خلاص ربنا فرجها عليك وهتتجوز البنت اللى انت بتحبها ومكنتش عارف

تتقدم لها عشان مفيش شغل ومفيش دخل

ومفيش شقة ولا انت عارف هتتنيل وهتصرف على البيت منين

تخيل بقي وعيش

ماانت مبقتش انت

انت مش انت وبقيت حد تانى غير اللى انت كان عايش معاه

فاهمين حاجة؟؟؟

طيب خلاص

نكمل التخيل بقي

تخيل البلد ديمقراطى

اه تصدق ده فى التخيل

تخيل ان انت بتنتخب اللى انت عاوزه

تخيل أن انت عايش بحرية وبتقول رأيك

ولما الرئيس بتاع البلد ميعجبكش تقوله انه وحش وهو يقبل رأيك

ويعمل اللى يرضى المواطنين والشعب

تخيل ان انت دخلت الكلية اللى انت نفسك فيها بصرف النظر عن مجموعك فى الثانوية العامة

تخيل اصلا ان التعليم اتغير

وبعبع الثانوية العامة مشي وروح بعيد

ومش بيجي بس غير للعيال الوحشة اللى مبتسمعش الكلام

تخيل بقي وعيييييييييش

تخيل حياتك اتملت والفراغ مبقاش له وجود اصلا

تخيل ان انت بقيت مصلح فى البلد وبقي ليك بصمة واضحة وظاهرة فى البلد

تخيييييييييييييييييييييييل

تخيل ان العلماء اللى من البلد نفسها مبقوش بيسافروا برة

ومبقوش بيهربوا من البلد

تخيييييل ان البلد وفرت كل سبل الراحة للعلماء والمخترعيين اللى فيها

تخيل ان انت بقيت حاسس بكيانك ووجودك فى البلد من غير سلطة ولا تحكم من حد

من غير ماتخاف من أمن الدولة ولا من ظباط الأقسام

تخيل انك عايش بجد وعارف انك حر ومش خايف من اى حد

تخيل ان انت اتجوزت وجبت أولاد زى السكر وهتعلمهم أحلى تعليم واحسن حاجة هتعيشهم فيها

طبعا بعد ماتكون تخيلت ان دخلك بقي مستريح اوى وكبير زى بلاد اوربا والدول المتقدمة

تخيل ان كل بلاد العالم عايشة فى سلام

تخيل ان الحالة الاقتصادية للبلد تمام اوى وعال العال

تخيل ان المياه اللى بتشربها هى أحلى مياة ومش ملوثة

تخيل ان البلد نضيفة جدا وانضف شارع متلاقيش غير الهوا بس اللى بيعدى منه يعنى

مفيش حاجة كده ولا كده مرمية على الارض

تخيل ان مفيش عشش على اطراف البلد

وتخيل كمان ان الصرف الصحى تمام اوى عند كل الناس ومفيش مجارى ضاربة

تخيل كمان ان البلد انعدم فيعا الفقرا

تصدق أفقر واحد فى البلد هو اللى كان أغنى واحد من ايام ما كان المليون ده ثروة كبيرة

تخيل حياتك من غير اى مشاحنات ولا خناقات ولا شد وجذب

تخيل ان كل موظف قاعد على مكتبه فى البلد ديه بيشتغل بذمة وضمير وبيشتغل بجد

وبيراعي ربنا فى شغله-ومابيقلش فوت علينا بكرة ولا سايب درج المكتب مفتوح-فاهمنى طبعا

تخيل كل اللى نفسك فيه وكل اللى انت عاوزه وبتحلم بيه

تخيل حياتك بقي هتبقي عاملة ازاى

تخيلوا بقي كل اللى نفسكم فيه

اصلي مش فاكرة ايه تانى ممكن نتخيله

بعد كم التخيلات ديه كلها

ياخبببببببببببببببببببر

انا ايه اللى صحانى من النوم دلوقتى

ماانا كنت مبسوطة وعمالة اتخيل براحتى

يالا معلش نكمل تخيل بقي

هااااااااااااااااااااا ..... ماذا بعد

.....................................

معلش ياجماعة انا تخيلي ملخبط شوية بس هو ده التخيل اللى كنت بحلم بيه

ايه رأيكم بقي؟؟؟؟؟؟؟؟؟؟؟؟؟

يوميات إمرأة

القصيدة على لسان فتاة عاشت قهر مجتمعنا الشرقي الذكوري بتناقضاته وإزدواجيته ،عانت فباحت وصرخت وعبرت عما تعاني منه في هذه الرائعه للعبقري نزار العاشق الدمشقي

..

.

لماذا في مدينتنا ؟

نعيش الحب تهريباً وتزويراً ؟

ونسرق من شقوق الباب موعدنا

ونستعطي الرسائل والمشاوير

لماذ في مدينتنا ؟

يصيدون العواطف والعصافير

لماذا نحن قصديرا ؟

وما يبقى من الإنسان حين يصير قصديرا ؟

لماذا نحن

مزدوجون إحساسا وتفكيرا ؟

لماذا نحن ارضيون ..تحتيون .. نخشى الشمس والنورا ؟

لماذا أهل بلدتنا ؟

يمزقهم تناقضهم

ففي ساعات يقظتهم يسبون الضفائر والتنانير

وحين الليل يطويهم يضمون التصاوير

أسائل نفسي دائماً لماذا لا يكون الحب في الدنيا

لكل الناس كل الناس

مثل أشعة الفجر

لماذا لا يكون الحب مثل الخبز والخمر ؟

ومثل الماء في النهر

ومثل الغيم ، والأمطار

،والأعشاب والزهر

أليس الحب للإنسان

عمراً داخل العمر ؟

لماذا لايكون الحب في بلدي ؟

طبيعياً كلقيا الثغر بالثغر

ومنساباً كما شعري على ظهري

لماذا لا يحب الناس في لين ويسر ؟

كما الأسماك في البحر

كما الأقمار في أفلاكها تجري

لماذا لا يكون الحب في بلدي ضرورياً كديوان من الشعر

انا نهدي في صدري كعصفورين

قد ماتا من الحر

كقديسين شرقيين متهمين بالكفر

كم اضطهداوكم رقدا على الجمر

وكم رفضا مصيرهما وكم ثارا على القهر

وكم قطعا لجامهما وكم هربا من القبر

متى سيفك قيدهما متى ؟

يا ليتني ادري

..

نزلت إلى حديقتنا

ازور ربيعها الراجع

عجنت ترابها بيدي

حضنت حشيشها الطالع

رأيت شجيرة الدراق

تلبس ثوبها الفاقع

رأيت الطير محتفلاً بعودة طيره الساجع

رأيت المقعد الخشبي مثل الناسك الراجع

سقطت عليه باكية كأني مركب ضائع

احتى الأرض ياربي ؟

تعبر عن مشاعرها

بشكل بارع ... بارع

احتى الأرض ياربي لها يوم .

. تحب فيه ..تبوح به

..تضم حبيبها الراجع

وفوق العشب من حولي لها سبب

.. لها الدافع

فليس الزنبق الفارع وليس الحقل ، ليس النحل ليس الجدول النابع

سوى كلمات هذى الأرض

..غير حديثها الرائع

.....

أحس بداخلي بعثاً يمزق قشرتي عني

ويدفعني لان أعدو مع الأطفال في الشارع

أريد.

.أريد.

.كايه زهرة في الروض

تفتح جفنها الدامع

كايه نحله في الحقل

تمنح شهدها النافع

أريد..

أريد أن أحيا بكل خليه مني

مفاتن هذه الدنيا بمخمل ليلها الواسع

وبرد شتائها اللاذع

أريد..أريد أن أحيا

بكل حرارة الواقع

بكل حماقة الواقع

.....

يعود أخي من الماخور ...عند الفجر سكرانا

...يعود .. كأنه السلطان

..من سماه سلطانا ؟

ويبقى في عيون الأهل

أجملنا ... وأغلانا

..ويبقى في ثياب العهر

أطهرنا... وأنقانا

يعود أخي من الماخورمثل الديك .. نشوانا

فسبحان الذي سواه من ضوء

ومن فحم رخيص نحن سوانا

وسبحان الذي يمحو خطاياه

ولا يمحو خطايانا

......

تخيف أبي مراهقتي يدق لها طبول الذعر والخطر

يقاومها يقاوم رغوة الخلجان

يلعن جراة المطر

يقاوم دونما جدوى مرور النسغ في الذهر

أبي يشقى إذا سألت رياح الصيف عن شعري

ويشقى إن رأى نهداي يرتفحان في كبر

ويغتسلان كالأطفال تحت أشعه القمر

فما ذنبي وذنبهما ؟

هما مني هما قدري

متى يأتي ترى بطلي

لقد خبأت في صدري له ، زوجا من الحجل

وقد خبأت في ثغري له ، كوزا من العسل

متى يأتي على فرس له ، مجدولة الخصل

ليخطفني ليكسر باب معتقلي

فمنذ طفولتي وأنا أمد على شبابيكي حبال الشوق والأمل

واجدل شعري الذهبي كي يصعدعلى خصلاته .. بطلي

...............

سأكتب عن صديقاتي

فقصه كل واحده أرى فيها

.. أرى ذاتي

ومأساة كمأساتي

سأكتب عن صديقاتي عن السجن الذي يمتص أعمار السجينات

عن الزمن الذي أكلته أعمدة المجلات عن الأبواب لا تفتح

عن الرغبات وهي بمهدها تذبح

عن الحلمات تحت حريرها تنبح

عن الزنزانة الكبرى وعن جدارنها السود

وعن آلاف .. آلاف الشهيداتِ

دفن بغير أسماء بمقبرة التقاليد

صديقاتي دمى ملفوفة بالقطن داخل متحف مغلق

نقود صكها التاريخ ، لا تهدى ولا تنفق

مجاميع من الأسماك في أحواضها تخنق

وأوعيه من البلور مات فراشها الأزرق

بلا خوف سأكتب عن صديقاتي

عن الأغلال دامية بأقدام الجميلات

عن الهذيان .. والغثيان .. عن ليل الضرعات

عن الأشواق تدفن في المخدات

عن الدوران في اللاشيءعن موت الهنيهات

صديقاتي رهائن تشترى وتباع في سوق الخرافات

سبايا في حريم الشرق موتى غير أموات

يعشن ، يمتن مثل الفطر في جوف الزجاجات

صديقاتي طيور في مغائرها تموت بغير أصوات

.......

خلوت اليوم ساعات إلى جسدي

أفكر في قضاياه أليس له هوالثاني قضاياه ؟

وجنته وحماه ؟

لقد أهملته زمنا ولم اعبا بشكواه

نظرت إليه في شغف نظرت إليه من أحلى زواياه

لمست قبابه البيضاءغابته ومرعاه

أسفت لا نه جسدي أسفت على ملاسته

رثيت له لهذا الوحش يأكل من وسادته

لهذا الطفل ليس تنام عيناه

نزعت غلالتي عني رأيت الظل يخرج من مراياه

رأيت النهد كالعصفور ... لم يتعب جناحاه

تحرر من قطيفته ومزق عنه " تفتاه "

حزنت انا لمرآه لماذا الله كوره ودوره .. وسواه ؟

لماذا الله أشقاني بفتنته .. وأشقاه ؟

وعلقه بأعلى الصدرجرحاً .. لست أنساه

...

لماذا يستبد ابي ؟ ويرهقني بسلطته

.. وينظر لي كاني سطرفي جريدته

ويحرص أن أظل له كأني بعض ثروته

وان أبقى بجانبه ككرسي بحجرته

أيكفي أنني ابنته أني من سلالته أيطعمني أبي خبزاً ؟

أيغمرني بنعمته ؟ كفرت انا .. بمال أبي بلؤلؤة ... بفضته

أبي لم ينتبه يوماًإلى جسدي .. وثورته

أبي رجل أناني مريض في محبته مريض في تعنته

يثور إذا رأى صدري تمادى في استدارته

يثور إذا رأى رجلاً يقرب من حديقته

أبي ...لن يمنع التفاح عن إكمال دورته

سيأتي ألف عصفورليسرق من حديقته

على كراستي الزرقاء .. استلقي يحرية

وابسط فوقها في فرح وعفوية

أمشط فوقها شعري وارمي كل أثوابي الحريرية

أنام , أفيق , عارية ..أسير .. أسير حافية

على صفحات أوراقي السماوية

على كراستي الزرقاء استرخي على كفي

واهرب من أفاعي الجنس والإرهاب ..والخوف

..واصرخ ملء حنجرتي أنا إمرأة .. أنا إمرأة انا انسانة حية

أيا مدن التوابيت الرخامية على كراستي الزرقاء تسقط كل أقنعتي الحضارية

ولا يبقى سوى نهدي تكوم فوق أغطيتي كشمس استوائية

ولا يبقى سوى جسدي يعبر عن مشاعره بلهجته البدائية

ولا يبقى .. ولا يبقى ..سوى الأنثى الحقيقة

......

صباح اليوم فاجأني دليل أنوثتي الأول

كتمت تمزقي وأخذت ارقب روعة الجدول

واتبع موجه الذهبي اتبعه ولا أسال

هنا .. أحجار ياقو ت وكنز لألئ مهمل

هنا .. نافورة جذلى هنا .. جسر من المخمل

..هنا سفن من التوليب ترجوا الأجمل الأجمل

هنا .. حبر بغير يد هنا .. جرح ولا مقتل

أأخجل منه ؟..هل بحر بعزة موجه يخجل ؟

انا للخصب مصدره أنا يده أنا المغزل ...

نزار قباني

حاجات حاساها او بحس بيها...

ازيكم وعاملين ايه؟؟؟

وحشتووونى

انا حبيت أكتب البوست ده مش عارفة بقي عشان انا عاوزة أكتب ولا عشان عاوزة أتكلم

هو البوست ده عشان شوية حاجات هى أكيد عند كل الناس وبتختلف من شخص لآخر

يعنى أقصد نسبتتها وأهميتها عند كل واحد بتختلف

فيه المهم وفيه الأهم وفيه اللى مش مهم خالص

يعنى مثلا فيه حاجات حاسين بيها وهى أكيد مهمة وضرورية

وحاجات مش بالضرورى نحس بيها او حتى ان حصلت مش فارقة معانا واهه كله محصل بعضه

وفيه حاجات ممكن حدوثها نفسه يغير حياتك وتحس انك كنت لازم برضه فى الاخر تحس بيها

وفيه حاجات نفسك تحس بيها ولما تحصل تبقي ساعتها تقول ياريتنى مافكرت فى الحاجة ديه أصلا

ايه اللخبطة اللى أنا فيها ديه

معلش لخبطتكم معايا

المهم الحاجات اللى انا حاسة بيها وبتفرق معايا

او حاجات ممكن احس بيها بعد كده

او الحاجات اللى مش هتفرق معايا حدوثها

ممكن تتلخص فى بعض حاجات

:يعنى مثلا ممكن نقول الآتى

الأمان: مش عارفة ليه الأمان ممكن يهرب فى أى لحظة

الخوف: مابقتش تفرق معايا أصل الخوف بقي شئ لابد منه

الحب : مش عارفة أصل كل شئ بآوانه

القلق: القلق ياساتر عليه بقي كتير اوى

الاحساس بانك مخنوق:هو ده الاحساس الحالى اللى انا حاسة بيه

الأمل : يمكن حاليا مفيش شئ يبشر بالأمل بس يمكن الأمل مستنينا بعد كده

الزهق: يمكن الزهق نتيجة لحاجات لازم أزهق منها وأكيد زهقانة حاليا

الملل: يمكن من ثبوت الاشياء على ماهى عليه ومفيش جديد أكيد همل

التفائل: ممكن يكون عندى تفائل بسيط ويارب يفضل التفائل ده وميضعش فى وسط الزحمة

الحزن: أكيد فيه حزن فى كل حاجة فى حياتنا

الفرح: برضه الفرح موجود بس ياريته ياخد مساحة أكبر فى حياتنا

النسيان: يووووووووه بننسى كتير بس فيه حاجات مينفعش تتنسي حتى لو ايه اللى حصل مش هنعرف ننساها

الجنان: متوفر بشدة ... ومين فينا مش مجنون

العقل: موجود بس مش عارفة ايه لازمته

أكيد فيه حاجات تانية كتير بس ده اللى انا كتبته او افتكرته من ضمن الحاجات الكتير اللى انا عاوزة أكتبها

هامشي دلوقتى وكفاية عليكم كده

ولما ابقي افتكر باقي الحاجات اللى ممكن احسها او انا حاسة بيها هابقي ارجع تانى عشان اكتبها

ســــلامــــــو عـــلـــــــيـــــــكـــــــــووو

اه ياعقلي

ياعقلي يابو العقول
يامتربي علي الغالي
ياللي ساكن فوق وومزاجك عالي
ياللي فوقك سواد متعالي
وتحتك عمود لكن ايه سواري
وبينهم كشفات نور بتلالي

مصيرك ياسواد تختفي
وتبقي صحـــــــــــراوي
وارجع اانا من تانــــي
زي ما بدأنا مشوارنا الاولاني
ازرع واروي
وابدأ من الاول تاني
وانا ايه اللي حصلي
يانا ياني
وانا مالي مكنت في حالي
كوارث ياعالم مصايب يادنيا
ورئيسنا هايص والشعب لايص
وعريس متنمرد علي الشعب دايس
لهمه حكومه في الحزب لابس
لابس طربوش احمر منقوش نسره مفروس
و الشعب ساكت
وحطا يابطه حكومه اونطه
سرقونا خلاص ودقوا النقصه

خربشات

كتير بتبقى مضطر انك تشارك ناس فرحانين ومبسوطين فرحهم وسعادتهم وأنت في قمة الحزن وقلبك بيصرخ من الألم

الموقف ده بيحصل كتير

بس مش كل الناس بتقدر تعمل كده من غير تكلف

ومن غير ما تكون مضطره

يعني بتفرح لفرح الغير وتركن حزنها في ركن بعيد عشان ماتنكدش عليهم وتعكر صفو فرحتهم

ودول اللى قال عليهم جبران خليل

ما أنبل القلب الحزين الذي لا يمنعه حزنه من أن ينشد أغنية مع القلوب الفرحة

نبل القلب

القلب .... الحزين

للرجل العظيم قلبان : قلب يتألم و قلب يتأمل

قلب يتألم

وقلب ... يتأمل

والألم مصدره حزن يبقيك في صمت . . . وصمتك مدعاة للتأمل في الوجود . . . والمحصله أن الحزن

يتضاعف

وكذلك الألم

وستبقي دائما تذكره

ولن تنساه

تراك تعرف من هو ؟

انه من شاركك هذا الإحساس الراقي جدا بين كل ما نشعر به

شعور الحزن

ولهذا

قد تنسى الذي ضحكت معه ، ولكن لن تنسى الذي بكيت معه

إن . . وجٍد ؟

تليفون الرئيس

أكد مصدر غير مسئول ان موبيل الرئيس
قد اصابه عطل مفاجيء وقد تم عرضه علي كبير الاخصائيين وقد شخصوا الحاله علي انها انهيار عصبي حاد وقد قرر سيادته سفره علي نفقه الدوله لاتمام علاجه في الخارج
وفي حديث صحفي تشرف احد الزملاء بسؤال سياده الشخص الغير مسئول عن اسباب الحاله التي وصل اليها تليفون الرئيس
وقد اجاب سيادته بأن هناك عده اسباب ولكن السبب الجوهري
ان موبيل الرئيس قد تلقي العديد من الرسائل التي تدعو سياده الرئيس الي التنحي عن الحكم والعديد من السباب والشتائم ولكن الرئيس لم يهتم بهذه الرسائل فزادت جرعه الرسائل مما ادي الي فقدان الموبيل حاسه الشم ومنها ادي الي فقدانه حاسه الاهتزاز واصبح علي كلمه واحده كفايه حرام ...
هذا وقد افاد احد المكلفين بالسفر الي الخارج لمرافقه موبيل الرئيس الي ان الاوضاع علي مايرام وان الموبيل انضم الي حزب المجانين
واصبح من المناضلين في سبيل تحرير الوطن المقيد

اخي المواطن عندما تصل اليك رساله من رقم خاص اعلم انها من موبيل الرئيس تدعوك الي ارسال برقيه لسيادته تفيد ما يلي

السلام عليكم ورحمه الله وبركاته

من مواطن مصري مسطول الي رئيس الجمهوريه

اصبح انتخابك عيد شعبي لا ادري من جعله عيد وطني ولكني اشعر بالاشمئزاز لسماع اسمك البهي

اصبحت بلدنا وقر للنشالين والمتفننين بإزهاق ارواح اخواننا المواطنين

سياده الرئيس
اقولها لك صريحه بسيطه واضحه
لا تحتاج الي تفسير او تبحث عنها في القواميس
طز في سيادتك
والفين طز في حضرتك
وثلاث الاف طز زياده علي ماسبق لعلي اصل الي حل
لزوالك من منصبك العالي

واخيرا وليس اخرا
اؤمن دائما بمقوله دائما ما يرددها المناضلون من اجل الحريه وبمناسبه التعديلات الدستوريه التي فرضتها علينا بالقوه استطيع ان اقول

(كل ما تعلي وتعلي وتعلي لازم تتطأطي وتطاطي يابن الواطي)

وبمناسبه اني سأختم برقيتي هذه وسأدفع كل ما املك لكي تصلك رسالتي
احمد لله علي هذا البلاء ليكفر به ذنوبنا وادعوه ان يوفقنا الي ما يحبه ويرضاه
وحسبنا الله ونعم الوكيل
عزيزي المواطن / عزيزتي المواطنه
هذه الكلمات صدرت من شاب مصري مفروس

الانتقام .. وشوف هتنتقم ازاى

الانتقام

متغاظ من حد وعاوز تنتقم منه

فيه حد مضايقك وحارق دمك

فيه حد بيطلع عينك

وانت بقي مش عارف تعمل ايه

تعالا ياعم الحج وانا اقولك تعمل ايه

هى الحكاية بسيطة جداااااا

وسهلة الى حد ما

ومش هتاخد منك كتيييييييير ولا هتستهلك كمان وقت ولا مجهود

بالعكس تقدر تعمل العملية الانتقامية فى اللى غيظك بمنتهى السهولة

نيجى بقي لخطوات الانتقام

الخطوة الاولى

تجيب اللى غيظك وتخليه يعيش فى مصر -فى حال انه عايش مثلا برة مصر

او تخليه يحس بالواقع اللى احنا عايشين فيه -فى حالة ان هو فى الطراوة

الخطوة التانية

خلي اللى غيظك ده يعرف ان فيه تعديلات دستورية

عارف يعنى ايه

فهمه كده ان ده بيحكم عليه بالاعدام

وان مكنش في دماغه ولا همه الكلام ده ومكبر دماغه

اقولك

الخطوة اللى بعد كده

هات له فرخة تكون حلو كده بس بشرط تكون عندها انفلونزا محترمة

واقعده فى اوضة لوحده مع الفرخة وعرفه ان هو ده الموت بعينه

يمكن يتعظ ويبطل يضايقك

ان محوأش فيه يبقي اقولك تعمل ايه

الخطوة التالية

دورلك على ظابط كده يكون محترم من االظباط اللى هما بياخدوا على دماغهم من المدام فيعملوا ايه بيطلعوه على الناس فى الأقسام

واحشر صاحبك ده فى اى قسم وسيبه ياخد اللى ربنا كاتبه له

الخطوة اللى بعد كده

اصر انك تاخد صاحبك اللى حارق دمك ده واقطع له تذكرة فى الطايرة واللى السفينة اللى هتسافر فى اقرب وقت

ومعلش تعالى على نفسك واقطع التذكرة على حسابك

وأوعى تركب معاه واقوله انك هتحصله فى السفينة اللى بعدها

او الطيارة التانية

المهم تكون انت ضامن بقي ان المركبة اللى هو راكبها هتغرق هتغرق يعنى متركبوش فى حاجة تكون نضيفة وكويسة نقي اوحش حاجة وركبه فيها

كده ياما هيموت ياما هيموت

نفرض بقي ان صاحبك اللى غيظك ده زى القطط وبسبع ارواح

ورجعلك تانى اقولك بقي خليه ماشي كده وتعالى عند اول مظاهرة فى البلد وارميه فيها

طبعا هما مش هيتوصوا وهيتمسك هيتمسك

ويالا بقي يستاهل اللى يجرى له

كله من اللى هو عامله فيك

وان طلع منها سليم وعلى خير وبرضه رجعلك تانى

انا بقي مش عارفة اقولك تعمل ايه فيه

انا زهقت من صاحبك ده خلاص ايه القرف ده

هو مزهقش من اللى حصله

بصوا ماما بتقولى خليه يجى يقعد معايا شوية وهو هيزهق ايه رأيكم أنتم

لو ده الحل ابعتوا اى حد مضايقكوا عليا وانا هأقرفه

اهداف سياسيه من خلال اتفاقيات اقتصاديه

هناك علاقه قويه بين الاقتصاد والسياسه ولايمكن الفصل بينهم . ويلعب الاقتصاد دور فعال واساسى فى تحديد السياسات . وكما نرى فى الشرق الاوسط وما به من دمار وتفكك .وما تقوم بيه امريكا (الابن الوفى) واسرائيل فى منطقه الشرق الاوسط .وابرهن كلامى هذا بحروب اسرائيل العديده فى المنطقه . فلماذا اسرائيل تريد سيناء ؟؟؟ لانهم يعلمون ما بها من خيرات ويستطيعون استغلالها لصالهم ولصالح اقتصادهم وهذا سبب من اسباب احتلال اسرائيل لسيناء .وهناك اسباب اخرى لا اريد التطرق اليها منها( انهم يحلمون ويريدون تحقيق حلمهم فى اقامه الدوله اليهوديه الكبرى ( بس ده كبوس ) التى تبداء من الفرات لنهر النيل وهذا هو حلمهم الاكبر . واما حرب العراق فهى حرب اقتصاديه من الدرجه الاولى للاستيلاء على نفط العرق وما به من خيرات تخدم مصالحهم وموقع العراق الاستراتيجى ( حدوده تجمع بين سوريا وايران ) وهذه هى الحرب الظاهره امامنا ولكن هناك حروب اخرى اقوى مما نراه .فمن خلال استغلالها لخيرات تلك البلاد لصالح اقتصادها . فانها ستكون الاقوى فى عالم السياسه .وكما نرى فى مصر ان الاقتصاد هو الذى يخدم السياسه وان هناك علاقه قويه بس الاقتصاد والسياسه كما هو واضح فى تطبق اتفاقيه الكويز التى قبلها وزير التجاره المصرى رشيد محمد رشيد ( محدش يفهمنى غلط هو مش عميل ) قبلها بعد رفض قاطع من الذين سبقوه فى الوزاره .ومن خلال الكويز سوف يكون هناك تعامل وثيق بين مصر واسرائيل مما يضعف دور مصر تجاه القضيه الفلسطينه .وهذا تسيرع غير مبرر من الحكومه المصريه لتطبيع العلاقه مع اسرائيل .وكما انها ستفتح الباب على مصراعيه لاسرائيل لاختراق الاقتصاد المصرى والصناعه المصريه.وهناك اهداف سياسيه تتحقق من خلال الاتفاقيات التجاريه مثل اعتراف مصربالقدس عاصمه لاسرائل ويتضح هذا من خلال النص المبرم فى الاتفاقيه على انه هناك اجتماع دوريا بين الجانبين مره فى القاهره ومره فى القدس وهذا اعتراف رسمى بان القدس عاصمه لاسرائيل .وهناك ايضا مقايضات وصفقات تتم تحت مظله الاقتصاد .مثل صفقه الجاسوس عزام عزام الذى تم الافراج عنه وبعدها مباشره اعلنت الولايات المتحده عن قيام منطقه تجاريه حره بينه وبين مصر . وايضا اتفاقيه الغاز الطبيعى بين مصر واسرائيل وعلاقتها بالافراج عن الطلبه الست .كل هذا يؤكد ان للاقتصاد دور اساسى فى بناء السياسه ولا يمكن تجاهله

لسه فيه أمل

الواحد مننا لازم يكون متفائل على قد ما يقدر لأن اليأس حاجه بشعه والمفروض إننا كشباب نكون أبعد ناس عن اليأس ونسيبه للعالم الكبيرة اللى قربت تودع ومستنيه الأجل ، دول الفئه الوحيده اللى من حقها تيأس من الدنيا وتفقد الأمل
وعلى رأى الست ثومه
الأمل لولاه علايا كنت فى حبك ضحيه

بس يا محترم تيجى تدو حواليك لجل ماتلاقى سبب وجيه

يخليك ماتكونش يائس وعندك أمل

تلاقى كتير

ايه مستغرب ؟ لا صحيح فيه أسباب كتير تخليك مش يائس وعندك أمل

خد عندك

معاك حاجه تاخد فيها الأول ولا أجيبلك كيس ؟

عندك يا ريس الصحه ايوة الشباب صحه صحيح بتدخن وبتاكل أكل ملوث بمبيدات مسرطنه ونظامك الغزائي فى منتهى العك بس برضه ما يمنعش ان انت بصحتك وبعدين يا اخى دانت تبقى جاحد لو قولت غير كده

وبعدين عندك كمان المستقبل هو صحيح علمه عند ربنا بس أنت اللى بتصنعه وعملك النهارده هاتحصد ثمرته بكره ولكل مجتهد نصيب ولا ايه يا مبارك ؟

هاتقولى ماسنكونه رهن بما كناه

هاقولك صلى على النبى

الحياه حلوة والدنيا مرجلشه ولونها بمبى ، ثم يا راجل أنت مستقبلك مشرق

صحيح ماتعلمتش حاجه فى مراحل تعليمك تأهلك لعمل يضمنلك حياة كريمه ، ولو عندك العلم والكفائه مش هاتلاقى الواسطه اللى تحطك على أول السلم ، بس ده لأنك فقرى أنت وأهلك كمان لازم تكون بتعرف تسلك أمورك وتبنى مستقلك بكفاح عن طريق معارفك ومعارف باباك وقرايبك ولا إيه الكلام ؟

عشان كده لازم يكون عندك أمل فى المستقبل وإوعى إوعى تيأس

أستغفر الله العظيم يأس إيه يا راجل

ونسيت أقولك اهم داعم للأمل فى طريق حياتك الممهد الباسم اللى بيضحكلك

إنك مصري

شوفت بقى إنت مغفل ازاى ومش واخد بالك من النعمه اللى أنت فيها يا حج

أنت مصري آآآآآه والله العظيم مصرى

عارف يعنى إيه

يعنى حضارة سبع تلاف سنه يا راجل يعنى الفراعنه والأهرامات وأبو سمبل وأم سمبل وسمبل نفسه قبل المليون بس

مصرى يعنى الشهامه والكرم والجدعنه ياعم الحج يعنى الأقصر وأسوان وسواقى الفيوم وتل بسطه والهرم المدرج ورع خد بالك من رع ده لأنه مهم جدا رع رعععع

خدت بالك من النعمه اللى أنت فيها يا جاحد

الدنيا كلها تتمنى إنها تكون مكانك بنت حضارة عريقه زيك بس تقول لمين

صحيح أنت دلوقتى بقيت فى الحضيض لاليك سعر ولا وزن ولا طعم ولا لون بس تصدق ليك ريحه ؟

ايوة ريحة العرق اللى تخنق ريحة عرق الغلابه اللى طالع ..... أبوها وطافحين الكوته وصابريييييين

ريحة عرق العمال والصنايعيه والفلاحين والناس اللى تحت تحت قوى

ريحة على قد ما بتخنقك على قد ما بتديلك أمل إن ممكن فى يوم من الأيام

الناس دي تصحى وتاخد حقها من الناس اللى فوق

بس إمتى بقى يا ريس

ربك هو العالم

شوفت بقى إن لسه فيه أمل

قول يارب