23 April 2007

خربشات



كتير بتبقى مضطر انك تشارك ناس فرحانين ومبسوطين فرحهم وسعادتهم وأنت في قمة الحزن وقلبك بيصرخ من الألم

الموقف ده بيحصل كتير

بس مش كل الناس بتقدر تعمل كده من غير تكلف

ومن غير ما تكون مضطره

يعني بتفرح لفرح الغير وتركن حزنها في ركن بعيد عشان ماتنكدش عليهم وتعكر صفو فرحتهم

ودول اللى قال عليهم جبران خليل

ما أنبل القلب الحزين الذي لا يمنعه حزنه من أن ينشد أغنية مع القلوب الفرحة

نبل القلب

القلب .... الحزين

للرجل العظيم قلبان : قلب يتألم و قلب يتأمل

قلب يتألم

وقلب ... يتأمل

والألم مصدره حزن يبقيك في صمت . . . وصمتك مدعاة للتأمل في الوجود . . . والمحصله أن الحزن

يتضاعف

وكذلك الألم

وستبقي دائما تذكره

ولن تنساه

تراك تعرف من هو ؟

انه من شاركك هذا الإحساس الراقي جدا بين كل ما نشعر به

شعور الحزن

ولهذا

قد تنسى الذي ضحكت معه ، ولكن لن تنسى الذي بكيت معه

إن . . وجٍد ؟

15 comments:

hamsa said...

ما أنبل القلب الحزين الذي لا يمنعه حزنه من أن ينشد أغنية مع القلوب الفرحة
الجمل دي بتطلع ازاى وامتى ؟
بيتهيألى انها وليدة لحظة غير عاديه في حياة من قالها
بوست جميل يا ملاح
تحياتي

nehad said...

بجد بوست حلو قوى على قد ما هو مختصر
بس ساعات كتير قوى بيكون صمت حزنك اعلى من أى صوت تقدر تسمعه ومبتقدرش تصرخ بيه وحتى لو قدرت محدش بيسمعك اللا أصحاب القلوب النبيله
وفعلا قد تنسى الذي ضحكت معه ، ولكن لن تنسى الذي بكيت معه

الملاح التائه said...

hamsa
فعلا الجمل دي مش بتتقال فى اى وقت
دي لازملها لحظه غير عاديه زى ما قلتي
لحظة تجلي
شرفتي مدونة الرفاقه
اللى مستضيفاهم عندك
ارق تحياتي تووو

الملاح التائه said...

nehad
أحيانا كثيرة يقتلنا هذا الصمت
في تلك الأحيان
نشتاق الى أن نبوح
ونصرخ بأعلى الصوت
نحن نعاني ونتألم
لعلنا نجد ذلك الشخص
الذي نبكي معه
والذي
لن
ننساااه

عاشقة الوطن said...

الملاح التائه

يمكن فعلا انت مابتقدرش تبين حزنك قدام اللى فرحان قدامك وبرضه متقدرش نتبين فرحك قدام اللى زعلان

بس احلى حاجة انك تلاقي الى قدامك بيشاركك سواء فرح او حزن

بس لازم تشارك وتتشارك

وجميل أوى الموضوع
وجميل اوى الكلمات جبران خليل

تحياتى الشديدة

الملاح التائه said...

حمد الله عالسلامه الأول
طبعا كلامك جميل وصح جدا
لابد يبقى فيه مشاركه
فى الفرح والحزن
بس الأهم يا عزيزتى
ان تكون هذه الحاله صادقة
نابعه من قلب نبيل طيب
لأن الكذب في دي بالذات بينكشف بسهوله
وطبعا ده مش شئ سهل
عود طيب
أرق تحياتي

أحباء فى الله said...

كلمات قيِّمه تستحق الإشاده جزاك الله كل خير عليها

الملاح التائه said...

أحباء في الله
وجزاك أخي الكريم
أشكر تشريفك للمدونه
وتعليقك الطيب
تحياتى لك

masry said...

أعتقد نحتاج بشده من يقف بجانبنا في وقت العسر هذا الوقت فيا أمتحان لكل من نعرف وفيه مكاشفه عتن كل الانفس

الزعيـمة said...

قلب يتالم .. قلب يتامل

نعم فـ بالقلبين نعيش ونحيا
ولكن اوقات الالم اصعب واشد

ولكن لماذا بالفعل ممكن نسيان من ضحكنا معهم ولكن لا يمكننا نسيان من بكينا امامهم وشاركونا احزاننا


الزميل الملاح التائه
تقبل ارق تحياتي

HoNdA said...

جميل اوى بس انا عن نفسى لما بكون مضايقة ونفسيتى كرب واكون فى موقف مع حد المفروض سعيد بحس انى مبعرفش اندمج معاه اوى وبضايق لانى بفترض ان مشاعرى تبقا جوايا بس بس مش بعرف !!!

الملاح التائه said...

masry
طبعا وقت الأزمات والمحن هو وقت اكتشاف الحقائق والتفريق بينها وبين كل ما هو مزيف
ومن يبقى بجانبك وقت الألم
لن تعدمه وقت الفرح والسرور

الملاح التائه said...

الزعيمه
بكل تاكيد ليس هناك أصعب من تجرع الألم
لكن الأصعب أن نتجرعه بمعزل عن الآخرين
بدون من نبكي معه
لأن وجوده سيخفف عنا ألم تنوء به عزلتنا
لذلك يا عزيزتي
لا ننسي ابدا من بكينا معهم
لأنهم أراحونا ولو بتخفيف بعض هذا الألم
شرفت مدونة الرفاقه

الملاح التائه said...

honda
مش كل الناس تقدر يا عزيزتى تداري همومها عن الآخرين لأنها صعبه خصوصا وقت ما يكون الألم لا يحتمل
دوري على اللى تبكي معاه
وفوقت حزنك يشاركك
شرفت بزيرتك

Radwa said...

جميل اوى البوست دة وفعلا من أعظم أيات التحدى ان تضحك وفى عينك الف دمعه