06 April 2007

تليفون الرئيس


أكد مصدر غير مسئول ان موبيل الرئيس
قد اصابه عطل مفاجيء وقد تم عرضه علي كبير الاخصائيين وقد شخصوا الحاله علي انها انهيار عصبي حاد وقد قرر سيادته سفره علي نفقه الدوله لاتمام علاجه في الخارج
وفي حديث صحفي تشرف احد الزملاء بسؤال سياده الشخص الغير مسئول عن اسباب الحاله التي وصل اليها تليفون الرئيس
وقد اجاب سيادته بأن هناك عده اسباب ولكن السبب الجوهري
ان موبيل الرئيس قد تلقي العديد من الرسائل التي تدعو سياده الرئيس الي التنحي عن الحكم والعديد من السباب والشتائم ولكن الرئيس لم يهتم بهذه الرسائل فزادت جرعه الرسائل مما ادي الي فقدان الموبيل حاسه الشم ومنها ادي الي فقدانه حاسه الاهتزاز واصبح علي كلمه واحده كفايه حرام ...
هذا وقد افاد احد المكلفين بالسفر الي الخارج لمرافقه موبيل الرئيس الي ان الاوضاع علي مايرام وان الموبيل انضم الي حزب المجانين
واصبح من المناضلين في سبيل تحرير الوطن المقيد

اخي المواطن عندما تصل اليك رساله من رقم خاص اعلم انها من موبيل الرئيس تدعوك الي ارسال برقيه لسيادته تفيد ما يلي

السلام عليكم ورحمه الله وبركاته

من مواطن مصري مسطول الي رئيس الجمهوريه

اصبح انتخابك عيد شعبي لا ادري من جعله عيد وطني ولكني اشعر بالاشمئزاز لسماع اسمك البهي

اصبحت بلدنا وقر للنشالين والمتفننين بإزهاق ارواح اخواننا المواطنين

سياده الرئيس
اقولها لك صريحه بسيطه واضحه
لا تحتاج الي تفسير او تبحث عنها في القواميس
طز في سيادتك
والفين طز في حضرتك
وثلاث الاف طز زياده علي ماسبق لعلي اصل الي حل
لزوالك من منصبك العالي

واخيرا وليس اخرا
اؤمن دائما بمقوله دائما ما يرددها المناضلون من اجل الحريه وبمناسبه التعديلات الدستوريه التي فرضتها علينا بالقوه استطيع ان اقول

(كل ما تعلي وتعلي وتعلي لازم تتطأطي وتطاطي يابن الواطي)

وبمناسبه اني سأختم برقيتي هذه وسأدفع كل ما املك لكي تصلك رسالتي
احمد لله علي هذا البلاء ليكفر به ذنوبنا وادعوه ان يوفقنا الي ما يحبه ويرضاه
وحسبنا الله ونعم الوكيل

عزيزي المواطن / عزيزتي المواطنه
هذه الكلمات صدرت من شاب مصري مفروس

18 comments:

عاشقة الوطن said...

جزر

أحب أقولك أن موبيل الريس على شرف الوصول قريبا فى مطار القاهرة وعلينا استقباله وزفه لعودته الحميدة البهية

وأحب أطمأن اخواننا المواطنين بان الريس شكله مبسوط وهيوزع منح على الشعب
يعنى ممكن يبعت كل كام مواطن على قسم من أقسام المحروسة

او ممكن يسافرنا على كام باخرة من بتوع الرجل الغلبان الطيب اللى بيجرى على رزق عياله ممدوح اسماعيل

يالا حاجة ببلاش كده فى سبيل عيون موبيل الريس
احنا عندنا كام موبيل للريس

وبعدين ايه حكاية البرقية ديه ياجزر
كفاية ان احنا نزور عم الحج
البرقيه هتعمل ايه

وحسبي الله ونعم الوكيل

Dr.khaled said...

طب ممكن النمرة ضروري؟؟
عايز ابعت له رسالة

Anonymous said...

هههههههههههههههه حلوه اوى اوى انا بقي عايز اقول كلمه لبن الحمار ده اقولله يا مبارك غوووووووور مصر بقيت بووووووور

وادعوك لزيارة موقعي

www.nourhetler2006.jeeran.com
وشكاراوى علي المدونه العظيمه

عمر عاشق القرآن said...

طب ادعى الموبيل يخف بسرعة بدل ما الريس يقلب علينا

مع انى أعتقد ان الريس أصلا معندوش موبيل .... طب هيحتاجه فى ايه؟؟؟؟

friend said...

الله يخليكي ياعاشقه بحسب بوجودك ان لسه في البلوج حد صاحي
:)

الملاح التائه said...

لا أنا مش مصدق الحدوته دى
النوبايل بتاع الباشا عطلان ؟
طيب ازاى
الا هو النوبايل بتاعه كام ؟
خط ولا كارت؟
حاتط نغمة الرنين ايه ؟
بيعملوا سايلانت ؟
وبيشغل الفايبرايشن ؟
أسئلة كثيرة تدور بمخيلتى
بس مش عايز اجابات
عايز حاجه واحده بس
مادة فترة الرياسه تتعدل وتبقى اتنين
بس الماده دى بالدستور بحاله عندهم
سلمولى عالوطن
واشطه يا جزر

friend said...

اشطات
مش واحده بس
كانت هاجوبلك علي اسئلتك بس انتي قولت مش عايزني اجاوب عليها
علي العموم ميهمش وشكرل لتعليقك
ياملاح

ana ga3an said...

سؤال دايما محيرني هل الريس معاة موبايل
طيب موبينيل ولا فودافون
طب لو اتصالات نزلت بسعر دقيقة ارخص هل هايحول

kaed said...

ايها الرئيس حاكم البلد التعيس و صاحب الموبايل الخسيس
أقولها لك صريحة مريحة إرحل الآن فإنك إن بقت بعد ذلك سنحتاج عشرات السنيين لكى نعمر ما خربت
دمت بخير أختى الكريمة
و الموضوع هايل

مشروع انسان said...

اممممممم وانا بقول من فترة بتجيلى رقم خاص وييجلى اتصال بدون رقم خالص ووفيه حد بيكلمنى بلغة غريبة مش عارف ايه بس مش انجليزى ولا فرنساوى لغة عجيبة كده (بجد ده بيحصلى)تفتكروا ده ليه علاقة بموبايل الريس

م said...

سلامة النوبايل
بس يعنى ربع قرن بيكفر ذنوبنا ولسه؟
داحانا ذنوبنا على كده كتير اوى يا جدعان

friend said...

ياحج خالد ولا انتي مش خالد الرقم بريفت وبعدين لو عرفته هاخاف اديهولك بعدين نروح في داهيه

friend said...

نور العظماء
ياعمي يغور هيروح علي فين سيبه ادينا بنلاقي حد نهزأه ونطلع فيه غضبنا ولا ايه

friend said...

مشروع بطل
سؤال وجيه
بس انا هاقولك سؤال هوه الرئيس ده مش انسان زينا يعني وليه خصوصيات برده تلاقي المدام بتبعتله رسايل خاصه تطلع عينه فيه ولا حاجه او تلاقيه بيلعب بيديله
ياعمي وانت ايه اللي مزعلك خليه يعيش وانا نبقي شيش بيش

friend said...

اعتقد ان الرئيس ليه خطمفتوح خاص امريكاني عشان يتلقي المعلومات علي الهوا علاطول مباشر

friend said...

كايد
متشكر يامعلم علي التعليق
ولك يوم ياظالم

friend said...

امام الجبل
اه طبعا أكيد هتلاقي ليه علاقيه قويه جدا بالموبيل بتاع حضرته
أحذر وخلي بالك

friend said...

متشكر يامحمد علي تعليقك